சான்றோன்

பேராசிரியர் ந. முத்து மோகன் எழுதிய ஐரோப்பிய தத்துவங்கள் என்ற புத்தகம் வாசிக்க ஆரம்பித்தேன். பிளாட்டோ பற்றி முதலில் விளக்குகிறார் . அவருடைய தத்துவம் என்னவெனில் உலகில் எந்த ஒரு பொருளின் அழகையும் ரசிக்கும் முன்னர் அந்த அழகு என்பது இதுதான் அல்லது இப்படிபட்டது தான் என்று கருத்து அனைவருக்கும் இருக்கும். இந்த கருத்து என்பது ஒரு கற்பனை தான் கருத்து முதல் வாதமே பொருள் முதவாதம் உருவாவதற்கு முன்னர் தோன்றியது என்பது பிளாட்டோவின் கருத்து. ஒரு வேளை இது மரபார்ந்த நம்பிக்கை தொன்று தொட்டு இன்னும் பின்பற்ற படுவதின் மூலம் நிகழ வாய்ப்பு இருக்கிறது. பொருள்முதல்வாதம் என்றால் புலன்ங்களால் இந்த உலகை அறிந்து புரிந்து கொள்ளும் அறிவு. அதாவது பொருள் என்றால் நடைமுறை விஷயங்களையும் வாழ்வின் ஆதாரங்களையும் அனுபவத்தின் வழியாக மட்டுமே நேரிடையாக அறிந்து கொள்வது. கருத்துமுதல்வாதம் என்பது உலக இயக்கங்கள் அனைத்திற்கும் கடவுள் அல்லது பிரபஞ்ச இயக்க ஆதார சக்தி Superior power உள்ளது என்றும் அதன் அடிப்படையில் புரிந்து கொள்வது. அதாவது கடவுளை புலன்ங்களால் உணர முடியாது. ஒரு கற்பனை புரிதல் மட்டுமே அங்கே நிகழ்கிறது. ...

பௌத்தம் கூறும் வாழ்வியல் நெறிகளை குறித்து அம்பேத்கர் எளிய மனிதர்களும் கடைபிடிக்கும் படி கீழ்கண்டவாறு கூறுகிறார். 1. கொல்லமை 2. திருடாமை 3. பொய் சொல்லாமை 4. மற வழியில் நடக்காது தவிர்த்தல் 5. மது அருந்தாமை, சமய பிரசாகர்களுக்கு மேலும் சில கட்டுப்பாடுகள் 6. தேவைக்கு அதிகமாக உணவு உண்ணாமை 7. நடனம், இசை, நாடகம் போன்ற பொது மன்ற கேளிக்கை நிகழ்ச்சிகளை காணாமல் தவிர்த்தல் 8. மாலைகள், ஆபரணங்கள், வாசனை திராவியங்களை தவிர்த்தல் 9. உயர்வகை படுக்கை மெத்தைகளை பயன்படுத்த கூடாது 10..எந்த தருணத்திலும் பணத்தை பெறக் கூடாது அம்பேத்கரின் மீது அதிகம் ஈடுபாடு ஏற்பட காரணம் அவருக்கு புத்தரின் மீதும் புத்தகத்தின் மீது இருந்த ஆர்வமும் காதலுமே. திராவிட இயக்க தலைவர் கீ. வீரமணி எழுதிய அம்பேத்கர் பற்றிய, " புத்த காதலும் புத்தக காதலும்" என்ற புத்தகம் வாசித்தேன். முன்னரே குறிப்பிட்ட படி அம்பேத்கரிய சிந்தனையாளர் மதிவதினி யூடுப் உரை ஒன்றில் இந்த புத்தகத்தை பற்றிய பேசிய உரை இந்த புத்தகத்தின் ஆர்வத்தை தூண்டியது. வாசிப்பை புத்தகத்தை நேசிக்க கூடிய அனைவரும் வாசிக்க வேண்டிய புத்தகம். அம்பேத்கரின் ...

அவரது ஆய்வின் படி எந்த ஒரு அரசியல் திட்டமும் பொதுவகை திட்டம் மற்றும் நெறிமுறைகளின் படி சமூக கட்டுப்பாடு செயல்பட வேண்டும் என்கிறார்.  அந்த வகையில் இரண்டு முக்கியமான விஷயங்களை குறிப்பிடுகிறார் . 1. இட ஒதுக்கீடு. 2. தனி வாக்காளர் தொகுதி. இன்றைக்கு எழுபது ஆண்டுகளுக்கு முன்னரே இட ஒதுக்கீடு பற்றி அம்பேத்கர் சிந்தித்து செயல்படுத்த போராடியிருக்கிறார். ஆனால் இன்றும் அந்த பிரச்சனை தீர்ந்தபாடில்லை . மத அரசியலும் பாசிச மனப் பாங்கும்தான் இதற்கு காரணம். அம்பேத்கர் பற்றிய யூடுப் உரை ஒன்றில் எழுத்தாளர் மதிவதனி  குறிப்பிடுகையில், அம்பேத்கர் வறுமையிலும் புத்தக வாசிப்பை விட வில்லை. அவருக்கு அதிக சம்பளத்தில் வேலை கிடைத்தும் அவர் வாழ்நாள் முழுக்க படிப்பதிலே செலவிட்டிருக்கிறார். சாப்பிட வசதியில்லாமல் ஒரு வேளைக்கு ஒரு பண், ரொட்டி மட்டுமே சாப்பிட்டு புத்தகம் வாசித்திருக்கிறார் . உலகமே விழித்துக் கொண்டிருந்த போதும் அவர் உறங்கவில்லை. அம்பேத்கரை சுற்றி வீடு முழுவதும் புத்தகம் நிறைந்திருக்கும் என்று குறிப்பிடும் மதிவதனி, அம்பேத்கர் இறப்பதற்கு முன் இரவில் கூட புத்தகம் வாசித்துக் கொண்டிருந...