சான்றோன்

வாழ்க்கை யாவருக்கும் ஒரே மாதிரி இருப்பதில்லை. அதிலும் யாரும் யாருடனும் கடைசி வரை இருக்கப்போவதில்லை. இளமை முடிந்து முதிய வயதில் தனிமையில் மனிதர்கள் அனுபவிக்கும் துயரம் மிக கொடுமையானது. இளம் வயதில் மனம் போன போக்கில் சுற்றி அலைந்த கால்கள் இறுதியில் செயல் பட முடியாமல் போன துயரம் யாருக்கும் நடக்கக் கூடாது என்று நாமும் நினைக்கிறோம். கடவுளை வேண்டிக்கொள்கிறோம்.  வாழ்வின் மிகப்பெரும் துயரங்களில் தனித்து விடப்படுதலும், பிரிவும் தான். அதுவும் பிரிவை விட மனிதனை நிலை குலையச் செய்வது எதுவும் இல்லை. உயிருக்கு உயிரான காதலை, குடும்பத்தை, நண்பர்களை, முகம் தெரியாத எத்தனையோ நல்ல அன்பான உறவுகளை நாம் பிரிந்து விட்டிருக்கிறோம். அதுவும் சிறு வயதில் உடன் வாழ்ந்த நண்பர்கள், சொந்த ஊரை பிரிவது மறக்க முடியாத நினைவாக மாறி விடும்.  அனைத்து ஆட்டங்களும் அடங்கிய பின்னர் முதிய வயதில் படுத்த படுக்கையாகி விட்ட பின்னர் நினைவு களைத் தவிர வேறெதுவும் மிஞ்ச போவதில்லை.   தீலிப் குமார் எழுதிய கடிதங்கள் சிறுகதை முதிய வயதில் அடையும் மன நெருக்கடிகள் பற்றி எழுதப் பட்டுள்ளது. பணியில் இருந்து ஓய்வு பெற்ற பின்...

இறந்து போன ஒருவரின் துக்க வீட்டில் நடக்கிற கதை. அவர் உயிரோடு இருந்த காலத்தில் அவர் இறுதி ஊர்வலத்தில் நாயனம், மேள தாளம் எல்லாம் இசைக்க வேண்டும் என்று மகன்களிடம் தெரிவிக்கிறார். அதன் படி அவர் இறந்த துக்க வீட்டில் நாயனம் ஏற்பாடு செய்ய படுகிறது. ஆனால் நாயனம் வாசிக்க ஆள் தட்டுப்பாடு ஏற்படுகிறது. யாரும் கிடைக்கவில்லை. மேலும் இறந்த உடலை இடு காட்டிற்கு எடுத்து செல்ல தாமதம் ஆகிறது. அந்த விரக்தியில் துக்க வீட்டில் நடக்கும் உரையாடல்கள் மிக நுட்பமாக எழுத பட்டுள்ளது. மேலும் துக்க வீட்டில் நடக்கும் நிகழ்வுகள், பேச்சுக்கள், துக்க வீட்டில் ஒருவருக்கு பசிக்கிறது. சுடுகாடு போய் எரியூட்டி வந்த பிறகு தான் குளித்து சாப்பிட முடியும் என்று ஒருவர் அங்காலாய்த்துக் கொள்கிறார். இன்னொருவர் வெற்றிலை போட்டு விட்டு பீடியோ சுருட்டோ பிடிக்க முடியவில்லை என்று வருத்தப் பருகிறார். ஆளாளுக்கு உடலை சீக்கிரம் எடுக்கமாறு சொல்லி அவசரப் படுத்துகிறார்கள். இறுதியில் நாயனம் வாசிக்கும் ஆள் வருகிறார். இறுதி ஊர் வலம் புறப்பட்டு போகிறார்கள். ஆனால் அதற்கு அப்புறம் தான் சோதனையே ஆரம்பிக்கிறது.  நாயனம் வாசிக்கிறவன் அவர்கள...

தப்பு தாளங்கள் திரைப்படம் பெண்ணியத்தை மிக ஆழமாக சொல்கிற திரைப்படம். K. பாலசந்தர் இயக்கிய படங்களில் தப்பு தாளங்கள் முக்கியமான படம். பாலியல் தொழில் செய்யும் பெண்கள் மீது இந்த சமூகம் எப்படியெல்லாம் கருணையற்றதாக நடந்து கொள்கிறது என்று K. B அழகாக பதிவு செய்துள்ளார். உண்மையில் இந்த படம் பார்த்து முடித்தவுடன் பெண்களாக பெண்களால் மட்டுமே வாழ முடியும் என்று தோன்றியது. இன்றளவம் கூட இந்த சாதியால் புரை யோடி போன இந்த சமூகத்தில் ஆண் - பெண் உறவு முறையும் காதலும் கேள்விக் குறிதான். ஏன் படித்த சமூகத்தில் ஆண் பெண் சுதந்திரமாக காதலிக்க முடியாமல் போகிறது. அப்படியே ஆணும் பெண்ணும் இணைந்து வாழும் வாழ்க்கையை இந்த சமூகம் எப்படியெல்லாம் விமர்சக்கிறது.  தவறு செய்து விட்டு திருந்தி வாழும் மனிதர்களுக்கு சமூகம் சூடும் அவப் பெயர்களும் மதிப்பீடுகளும் மனதில் வலியை உண்டாக்குகின்றன. தவறான அடக்குமுறை கொண்ட சமூக கலாச்சார வெளியை துறந்து ஒரு பெண் வாழ்வதும் இந்த சமூகத்தை கேள்வி கேட்பதும் அவளை எந்தளவுக்கு அலைகளிக்கிறது. ஆனாலும் பெண்கள் அந்த ஆபத்தை சந்தித்து தைரியமாக வாழ்கிறார்கள் என்பது தான் வியப்ப...

தக்கையின் மீது நான்கு கண்கள் - சா. கந்தசாமி சா. கந்தசாமி எழுதிய தக்கையின் மீது நான்கு கண்கள் என்ற சிறுகதை தாத்தாவிற்கும் பேரனுக்கும் இடையே ஆன போட்டி மனப்பான்மையை பற்றி எழுதபட்டுள்ளது. குளத்தில் மீன் பிடிக்கும் விதத்தையும் ஒவ்வொரு மீனும் எப்படி பிடிப்படும் என்பது பற்றியும் நுட்பமாக பேசுகிறது. தனக்கு மீன் பிடிபடவில்லை என்பதை தாத்தாவால் ஏற்றுக் கொள்ள முடியவில்லை. அதுவே தாழ்வு மன்பான்மையை உண்டாக்குகிறது. அதனால் அவருக்கு வெறுப்பும் கோபமும் ஏற்பட்டு தனது மனைவியையும் பேரன் மீது வெளிப் படுத்துகிறார். ஆனால் அவர் மனதில் ஆழத்தில் எங்கோ தனது மகளை இழந்த சோகமும் வலியும் அவரை ஆக் ரோசம் கொண்டவராக மாற்றுகிறது என்று புரிந்து கொள்கிறோம். ஏன் வயதில் மூத்த பெரிவர்கள் தன்னை விட வயதில் குறைந்த மகனிடமோ பேரனிடமோ தோற்றப் போக விரும்ப வில்லை. யாரையும் இகழ்தல் இழுக்கு என்றுதானே நாம் கற்றுள்ளோம். நம்முடைய அகங்காரம் நம் மீது அன்பாக இருப்பவரைக்கூட வெறுப்பானவராக மாற்றி விடும். எனில் உண்மையான புரிதல் கொண்ட அன்பு என்பது என்ன?. கருணையும் உண்மையை ஒத்துக் கொண்டு நிரை குறைகளை சமமாக ஏற்றுக் கொள்ளவேண்டும். அம்மா அப்பா இல...