படம் : 1| தப்புத் தாளங்கள் | விமர்சனம்

-
தப்பு தாளங்கள் திரைப்படம் பெண்ணியத்தை மிக ஆழமாக சொல்கிற திரைப்படம். K. பாலசந்தர் இயக்கிய படங்களில் தப்பு தாளங்கள் முக்கியமான படம். பாலியல் தொழில் செய்யும் பெண்கள் மீது இந்த சமூகம் எப்படியெல்லாம் கருணையற்றதாக நடந்து கொள்கிறது என்று K. B அழகாக பதிவு செய்துள்ளார். உண்மையில் இந்த படம் பார்த்து முடித்தவுடன் பெண்களாக பெண்களால் மட்டுமே வாழ முடியும் என்று தோன்றியது. இன்றளவம் கூட இந்த சாதியால் புரை யோடி போன இந்த சமூகத்தில் ஆண் - பெண் உறவு முறையும் காதலும் கேள்விக் குறிதான். ஏன் படித்த சமூகத்தில் ஆண் பெண் சுதந்திரமாக காதலிக்க முடியாமல் போகிறது. அப்படியே ஆணும் பெண்ணும் இணைந்து வாழும் வாழ்க்கையை இந்த சமூகம் எப்படியெல்லாம் விமர்சக்கிறது. 
தவறு செய்து விட்டு திருந்தி வாழும் மனிதர்களுக்கு சமூகம் சூடும் அவப் பெயர்களும் மதிப்பீடுகளும் மனதில் வலியை உண்டாக்குகின்றன. தவறான அடக்குமுறை கொண்ட சமூக கலாச்சார வெளியை துறந்து ஒரு பெண் வாழ்வதும் இந்த சமூகத்தை கேள்வி கேட்பதும் அவளை எந்தளவுக்கு அலைகளிக்கிறது. ஆனாலும் பெண்கள் அந்த ஆபத்தை சந்தித்து தைரியமாக வாழ்கிறார்கள் என்பது தான் வியப்பானது. தப்பு தாளங்கள் படம் ஆணாதிக்க சமூகத்தில் பெண்கள் எப்படி நிலை நிறுத்திக் கொள்ள போராடுகிறார்கள் என்று யதார்த்தமாக பதிவு செய்துள்ளது. ஆனால் அதே சமயத்தில் ஆண்களை பற்றிய மிகை யான கதபாத்திர சித்தரிப்பும் உள்ளது. உண்மையில் புரிந்து கொள்ள முடியாத ஆண்களின் மௌனம் உலகிலேயே மிக கனமானது என்று எழுத்தாளர் எஸ். ராமகிருஷ்ணன் குறிப்பிட்டதை நினைவு படுத்துகிறேன். 

அந்த படத்தில் நிறை மாத கர்ப்பிணி பெண்ணிற்கு நடக்கும் வன்முறை காட்சி மனதை உலுக்கி விடக் கூடியது. எதற்க்காக இந்த காட்சி இடம்பெற்றுள்ளது என்று நாட் கணக் கில் யோசித்துள்ளேன். உண்மையில் கர்ப்பிணி பெண்கள் மீது கருணையோடு தான் மனிதர்கள் நடந்து கொள்வார்கள் என்று தான் நினைத்திருந்தேன். ஆனால் உண்மையில் இந்த சமூகம் அப்படியில்லை என்று பாலசந்தர் உணர்த்தி விட்டார். 
இந்த படம் முழுவதும் சமூக வாழ்க்கை குறித்து தான் அவர் காட்சி படுத்திய படியே போகிறார். இடையே வசன போஸ்டர்கள் நாவல் வாசிக்கும் அனுபவத்தைத் தருகிறது. சமூகம் கட்டமைப்பை மீறிய ஆண் பெண் விளிம்பு நிலை பெண்களையும் அவர்கள் அக உலகையும் வசனத்தின் வழியே அவர் உருவாக்கியுள்ளார்.

எதற்காக 2k கிட்ஸ்களின் உலகத்தில் இப்படியான ஒரு திரைப்படம் தேவை? அதுதான் நவீன AI சினிமா உருவாகி விட்டதே என்று கேள்வி எழுவது உண்மை. ஆனால் அதே இந்த காலத்தில் தான் பெண்ணடிமைத்தனம், பெண்கள் மீது சமூகம் வைக்கும் விமர்சனம், அதுவும் குறிப்பாக பிழைக்க வழியில்லாமல் பாலியல் தொழில் நடத்தும் பெண்கள் மிக மோசமாக நடத்தப்படும் அவலமும் நடக்கிறது. பெண்களை நம்பாமல் தீட்டு என்ற பெயரில் குடும்ப உறவுகளுக்குள் நடக்கும் வன்முறை ஏற்றுக் கொள்ள முடியாது. கிராமங்களில் அதிகம் நடக்கும் பிரச்சனைகளில் முக்கியமானது குடும்ப உறவுகளுக்குள் பெண்கள் ஒதுக்கப் படுவதுவும் தீட்டு என்ற பெயரில் உளவியல் பிரச்சனைக்கு உள்ளாவதுதான். இந்த காலகட்டத்தில் பார்க்க வேண்டிய முக்கியமான திரைப்படம். 
ரஜினி மற்றும் சரிதாவின் நிஜமான பாவனைகள் கொண்ட நடிப்பு. பொதுவாக சினிமாவில் இருக்கும் கமர்ஷியல் வணிக சினிமாவிற்கான நோய் தொற்று இதில் இல்லை. 

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more