ஒரு கண் மூடிய மஞ்சள் பூனை

-

மனிதர்களுக்கும் பிற உயிர்களுக்கு இடையே உள்ள அன்பும் பிணைப்பும் அவருடைய ஓவியத்தில் அழகாக வெளிப்படுகிறது. கலையின் வழியாக இயற்கை மற்றும் பிராணிகளிடையேயான நேசத்தை விளக்கபவையே அவருடைய ஓவியங்கள்.

இன்ஸ்டாகிராமில் இன்னா ரூடாவின் ஓவியங்கள் வியப்பூட்டக் கூடியவை . மஞ்சள் உடையோடு ஒரு பெண் பூனையை தூக்கி வைத்திருப்பது போன்ற ஓவியத்தை பார்த்தேன். மறக்க முடியாத ஓவியம்.  The Kiss எனப்படும் அந்த ஓவியம் இணையத்தில் கிடைக்கிறது. அந்த பெண் கொடுத்த முத்தத்தின் அழுத்தம் காரணமாக அந்த பூனை ஒரு கண்ணை இறுக்கமாக மூடியபடி இருக்கிறது. பெரும்பாலும் பூனைகள் விசித்திரமானது. குறும்புகள் நிறைந்தது. உறக்கம் வராத பின்னிரவில் எதாவது வீட்டின் மேற்கூரை மீது பூனைகள் ஊர்ந்து செல்வதை பார்த்திருக்கிறேன் . உண்மையில் பூனைகள் பசிக்காக எந்நேரமும் அலைந்த படி இருக்கின்றன. இந்த ஓவியத்தில் கூட ஒரு கண் மூடிய பூனை, மஞ்சள் உடை சுருள் முடி முத்தம் கொடுக்கும் பெண்ணின் ஒற்றை புருவம். மஞ்சள் உடையில் இருக்கும் வித வித மான கோடுகள் கட்டங்கள் பூக்கள் போன்ற நெளிவுகள் பார்ப்பதற்கு ரம்மியமாக இருக்கிறது.


இன்னாரூடாவின் ஓவியத்தில் வரக் கூடிய பூனைகள் மனிதர்களின் உருவகம் தான். படுக்கையில் படுத்த படி முகத்தை இறுக்கமாக வைத்தபடி இருக்கும் பூனை. மௌனத்தின் அடையாளமாக இருக்கிறது. கருப்பு கோட் அணிந்தபடி ஒரு பூனை சிகரெட் பைப் ஒன்றை வாயில் வைத்த படி இருக்கிறது.
அது illustrator அல்லது motion designer ஆக இருக்கும் inna ரூடா நெதர்லாண்டை சேர்ந்தவர் . கூகிலில் பெஹன்ஸ் ( behance app) செயலியில் அவரது ஓவியங்கள். காணக் கிடைக்கிறது  .  மனிதர்களை போலவே தோற்றமளிக்கும் இந்த ஓவியங்கள் அவர்களின் மனநிலையை விளக்குபவையாக உள்ளது. இன்னொரு ஓவியத்தில் தந்தை மற்றும் அம்மாவுடன் ஒரு குழந்தை பனியில் சந்தோசமாக படுத்துகொண்டுள்ள ஓவியம் மிக அழகானது. அதை பார்த்த உடனே மனதில் ஒரு சந்தோசமும். குடும்பத்தோடு சேர்ந்து வாழ்ந்த அற்புதமான தருணங்களை நினைவு படுத்துகிறது. சொசைட்டி6 ( society6) எனப்படும் தளத்தில் அவருடைய கவிதைகள் விற்பனைக்கு கிடைக்கிறது. தலையணையில், T-sirt, சோபா, லேப்டாப் டீ கப் போன்ற அனைத்து பொருட்களிலும் அவருடைய ஓவியங்கள் வரையப் பட்டு விற்பனைக்கு உள்ளது .

 சிவப்பு நிறத்தில் வரையப்பட்ட கொரில்லா குரங்கு ஒன்றை வரைந்துள்ளார். அதன் கண்கள் கவனமாக எதையோ எதிர்பார்த்த  படி உள்ளது. பிரதமர் தேர்தலில் வாக்கெடுப்பு முடிந்து தேர்தல் முடிவுக்கு எதிர்பார்த்து காத்திருக்கும் மாதிரியான ஓவியம் மிக அழகானது. அந்த குரங்கு அமர்ந்துள்ள விதம் அதன் கூர்ந்து நோக்கும் கண்கள் அழகானவை.  கிவி நாட்டில் உள்ள வானிலையை விளக்கும் அவருடைய ஓவியம் யதார்த்தமாக உள்ளது.


மின்கம்பத்தின் வெளிச்சத்தில் மழை பொழிவதை பார்ப்பது தனித்துவமான தருணம். அதுவும் இரவில் அந்த காட்சி மின்கம்ப ஒளி காற்றும் மழையும் மனதின் துயரங்களையும் நினைவுகளையும் வெளிப் படுத்துபவை. மனதின் போராட்டங்களை புயலும் மழையும் வெளிக் காட்டுவதை போலவே. இதில் உள்ள காற்றின் கண்கள் இயற்கை மீதுள்ள பிரமிப்பின் அடையாளமாக உள்ளது  .

பலூன் தயாரிப்பவன் பற்றிய ஓவியம் நட்சத்திரங்களை காட்சிபடுத்துகிறது. வானில் தெரியும் நட்சத்திரம் அந்த பலூனிலும் பிரதிபலிக்கிறது. இதில் உள்ள பலூன் நமது பால்ய காலத்தின் சந்தோசத்தை போலவே இருக்கிறது. பலூன்கள் நமது சந்தோசத்தின் அடையாளங்கள். அதன் அர்த்தத்தை குழந்தைகளால் மட்டுமே புரிந்து கொள்ள முடியும். வித வித மான நிறங்களில் பென்சிலை கொண்டு வரையாபட்ட இந்த ஓவியங்கள் பார்ப்பதற்கு உற்சாகமாக கலை ரசனையை அதிகரித்த படி உள்ளது. குறிப்பாக சந்தோசத்தின் அடையாளமாகவே உள்ளது அவருடைய ஓவியங்கள். விடுமுறை நாட்களில் பார்த்து பொழுது போக்குவதற்கு நல்ல ஓவியங்கள்.

insta : @innaruda

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more