மின்மினியின் காடு.....!

-
லண்டலில் நடைபெற்ற புகைப்படக் கண்காட்சியில் சர்வதேச விருது பெற்ற ஸ்ரீராம் முரளி எடுத்த காட்டில் மின்னும் மின்மினி பூச்சிகளின் படம் பார்த்தேன். காடே வைரத்தை போல மின்னும் என்னவொரு அழகான காட்சி .


வாழ்வில் ஓரே முறை ஒருநாள் மின்மினி பூச்சி ஒன்றை கையில் வைத்து பார்த்த நினைவு வந்தது. அந்த இளம் மஞ்சள் ஒளி கைகளுக்குள் ஒளிந்து கொண்டிருப்பதை பார்க்க மனதெல்லாம் சந்தோசமடையும். மின் மினி பூச்சிகள் வாழ்வை அழகாக்க கூடியது., எல்லா நேரங்களிலும் வாழ்வில் வெளிச்சம் தேவைப் படுகிறது. அதுவும் சிறிய வெளிச்சம் மனிதனுக்கு போதும்தான்.


இரவில் மின்மினி பூச்சிகள் வரும் வரை காத்திருந்து அதை படம் எடுத்து இன்றைக்கு புதிய கலை நுட்பத்தை வெளிப்படுத்தியுள்ளார் ஸ்ரீ ராம். கடலுக்கு அடியில் எத்தனை உயிரினங்கள் வாழ்கின்றன. அவற்றை நாம் பார்த்திருக்கக் கூட மாட்டோம். கடலைப் போலவே காடும் நாம் அறிந்திறாத எண்ணற்ற ரகசியங்களை
கொண்டுள்ளது. காட்டில் வாழும் விலங்குகள், பறவைகள், பூச்சிகளைப் பற்றி மனிதர்கள் அதிகம் அறிந்திடாத விஷங்கள் உள்ளது. அதை காமிராவில் எடுத்து படங்கள் வழியாக காண்பிப்பதே தமது கனவாக இருப்பதாக சொல்கிறார் ஸ்ரீ ராம்.


ஒட்டு மொத்தம் மின்மினி பூச்சிகளும் ஒரே நேரத்தில் மின்னும் காட்சியை long ஷூட்டில் படம் பிடித்து உள்ளார். மரத்தின் ஒவ்வொரு இலைகளும் மின்னி அசைவதை பார்க்கையில் வானில் இருந்து நட்சத்திரங்கள் மரங்களில் ஏறி விளையாடுவதை போலவே அத்தனை பிரமிப்பு. சிறு சிறு மழைத்துளிகளைப் போல ஒளியின் துளிகளை பார்க்கும் போது நமது கனவுகளின் ஆசைகளின் உணர்வுகளின் வெளிப்பாட்டைப் போலவே உள்ளது. காடு தன்னை அலங்கரித்துக் கொள்வதை போல அத்தனை அழகான படம் இது. வெளிச்சம் வாழ்விற்கு தேவை. மனதின் இருண்ட பக்கங்களில் அழகான நம்பிக்கையை தைரியத்தை எழுதி நாம் மனதை ஒளிரும் நிறங்களாக மாற்ற ஒளி தேவை. அது சிறு ஒளியாக இருந்தால்கூட போதும். சிறு ஒளிஎன்றாலும் மின்மினி பூச்சிகள் தரும் வெளிச்சம் போதும் இந்த வாழ்வின் கொடும் வலியிலிருந்து நம்மை மீட்டுக் கொள்ள. 

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more