மட்டன் செல்பி

-
மட்டன் குறும்படத்தில் ஒவ்வொரு காட்சியும் நிதானமாக படமாக்கப் பட்டிருக்கிறது. ஆட்டு உரிமையாளர் எந்த வசனமும் இல்லாமல் நடித்திருப்பது யதார்த்தமான நடிப்பு. இறுதிக் கட்ட காட்சிதான் மனதை வெகுவாக உருக்கிவிட்டது. அன்றாடம் ஹோட்டல்களில் சாப்பிடுகிற யூடுப் போன்ற உணவு விளம்பர படுத்துகிற காட்சிகள், உணவு ரசனை குறித்த தனிநபர் இன்ஸ்டாகிராம் பதிவுகள், உணவு குறித்து நம்முடன் இருக்கும் ரசனை சார்ந்த பேச்சுக்கள் போது கூட அதை வளர்த்தவர்களின் கதையை நாம் பேசயிருப்போமா? என்று தெரியாது . ருசிக்காக நாம் சாப்பிடும் மட்டன் அசைவ உணவின் பின்னால் அதை வளர்த்தவர்களின் அன்பும் பாசமும் கலந்திருப்பதை புரிந்து கொள்ள முடிகிறது.  இன்னொரு காட்சியில் வளர்த்த மகள் இன்னொருவரை காதலித்து வீட்டை விட்டு ஓடிப் போய்விட்டதாக மனைவி அழும் காட்சியில் அவள் கணவன் சந்தோஷப்பட்டு உணர்வை வெளிப்படுத்தும் விதம் அற்புதமான சிந்தனை. இங்கே அவருக்கு தன் மகள் காதலித்து இன்னொருவரை திருமணம் செய்து கொண்டதை எளிதாக ஏற்றுக்கொள்ளும் தந்தை ஒருபுறமும், கறிக்கடையில் தன் வளர்த்த ஆட்டை திரும்ப காப்பாற்ற ஓடி போகும் பாசமான தந்தை ஒரு விதமாக எடுக்கப் பட்ட காட்சியமைப்பு சிறப்பானது. மனைவி அழுது ஆர்ப்பாட்டம் செய்யும் அளவிற்கு மகள் காதலித்து கல்யாணம் செய்து கொள்வது ஒன்றும் அவ்வளவு மோசமான செயல் இல்லையே? தன் வளர்த்த ஆட்டை வெட்டுவதை ஒன்றும் கொடுமையான விஷயம் இல்லை. இறுதிக் காட்சியில் கறிக் கடையில் ஒரு ஆட்டை அறுத்துத் தொல் உறிக்கும் காட்சி மிக உண்மையாக எடுக்கப் பட்டிருப்பது இன்னும் முக்கியமானது. இதுவரை நான் பார்த்த திரைப்படங்களில் ஒரு கறிக் கடையில் கறி வெட்டுகிற காட்சியை முழுமையாக பார்த்ததில்லை. அதை முழுவதும் காட்சி படுத்தியது முக்கியமான பதிவு. ஆடு வளர்த்தவர் ஆட்டோடு எடுக்கும் கற்பனையான செல்பி, படம், ஆற்றில் மீன் பிடிக்கும் காட்சி, போன்ற காட்சிகள் எனக்கு மிகவும் பிடித்திருக்கிறது.  எளிமையாக, அளவான வசனங்கள்,  கருத்துள்ள திரைக் கதை என்று நல்ல குறும்படத்தை எடுத்த கணே ரமேஷ்க்கு பாராட்டுக்கள் வாழ்த்துக்கள் அன்பும் நன்றியும்.

குறும்படம் பார்க்க


G. கோபி 

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more