மழைவெள்ளத்தை தடுக்க என்ன செய்ய வேண்டும்?

-
நிக்ஜாம் புயல் ஏற்பட்டு சென்னை குடியிருப்பு பகுதியில் வெள்ள நீர் சூழ்துள்ள நிலையில் பலரும் அடிப்படை வசதிகள் இல்லாமல் அவதிப் பட்டுக் கொண்டிருக்கிறார்கள். வெள்ள மீட்பு பணிக்காக சென்ற சமூக ஆர்வலர் ஒருவர் மின்சாரம் தாக்கி இறந்து விட்டதாக வெளியான செய்தி திடுக்கிட வைத்தது. மேலும் இன்னொரு ஏரியாவில் தந்தை தாய் மற்றும் தங்கையை காப்பாற்றிய மகன் உயிரிழந்த தகவல் இயற்கையின் முன் மனிதனின் நிலை என்ன? என்ற திகைப்பை உண்டு பண்ணியது. இடுப்பு வரை வெள்ளம் சூழ்ந்துள்ள நிலையில் கரையில் குளிரில் கைகால்கள் விறைத்த நிலையில் நடுங்கியபடி இருக்கும் பாட்டி, என்று இந்த சமூக வலைதளங்களில் வெளியான மழை தொடர்பான செய்திகளை பார்த்துக் கொண்டிருக்கிறேன். போன மாதம் வரை சென்னையில் தங்கி வேலை பார்த்துக் கொண்டிருந்தேன். சென்னையின் மழை வெள்ளம் மக்களை எந்தளவு பாதித்துள்ளது? என்று நினைக்க நினைக்க இயற்கையின் மீது நாம் வைத்துள்ள மதிப்பீடுகள் அனைத்தும் நம்ப முடியாததாக இருக்கிறது. எழுத்தாளர் எஸ். ராமகிருஷ்ணன் அவர்களின் பதிப்பகத்தின் குடோனில் வைக்கப்பட்ட 
இருபது லட்சம் மதிப்பிலான புத்தகங்கள் மழையில் நனைந்து சேதம் அடைந்த செய்தி என்னை மேலும் வருத்தம் அளித்தது. இது போன்ற விவசாய நிலங்கள், வாகனங்கள் என்றும் பல்வேறு சேதங்கள் ஏற்பட்டுள்ளன.  

மழை வெள்ளத்தை தடுக்க நாம் சிந்திக்க வேண்டிய விஷயங்கள் என்னென்ன?

1. சென்னை வெள்ளம் ஏற்பட முக்கியம் காரணம் என்ன?

2. மழைநீர் தேங்கும் இடமென்றும் தெரிந்தும் ஏன் அங்கு குடியிருப்பு கட்டிடங்கள் கட்டப்பட்டது? 

3. இது தொடர்பான அரசு துறைகள் என்ன மாதிரியான முன்னெச்செரிக்கை நடவடிக்கை எடுக்கப் பட்டன?

4. ஒவ்வொரு சாதாரண மனிதனும் இந்த மாதிரியான இடரில் என்ன செய்ய முடியும்?.

5. இனி வருங்காலத்தில் இது போன்ற இடர் ஏற்படாமல் இருக்க நாம் மேற்கொள்ளும் விழிப்புணர்வு திட்டங்கள் என்ன?

6. மழை வெள்ளத்தின் போது இளைஞர்கள், மாணவர்கள் / மாணவிகள் கற்றுக் கொண்ட பாடம் என்ன?

7. அறிவியல் துறையில் இந்த பேரிடரை சமாளிக்கும் வழி என்ன இன்னும் என்ன மாதிரியான கண்டுபிடிப்புகள் நிகழ வேண்டும்?

8. ஊடகங்கள் மழை வெள்ளம் தொடர்பான செய்திகள் எந்த அளவுக்கு உண்மையான செய்தி? 

9. இந்த கடின சூழலில் ஏற்படும் உயிரிழப்புகள், நோய் போன்றவற்றை தடுக்க போதுமான மருத்துவ வசதிகள் உள்ளதா

10. குழந்தைகள், வயதான முதியவர்கள், நோயாளிகள், மாற்று திறனாளிகள், பெண்கள் ஆகியோரின் பாதுகாப்பு குறித்து நாம் யோசிக்க வேண்டியவை என்ன?

11. வெள்ள நிவாரணம் உதவி தொகை குறித்து தகவல் மற்றும் அதை எவ்வாறு பெறுவது?

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more