பணம் தின்னும் ஓநாய்.. ✍️

-
Movie : The Wolf of Wallstreet - Martin Scorses

மனிதனின் பேராசை அவனை எப்படியெல்லாம் நடந்துகொள்ள வைக்கும் என்பதற்கு இந்த படம் ஒரு உதாரணம். ஆசை மனிதனை இயக்குகிறது. எதிர்பார்ப்புகளையும் தேவையையும் அதிகரிக்கிறது. அதன் விளைவாக மனிதன் வெறிபிடித்த மிருகத்தன்மை அடைகிறான். இதன் மூலம் மனிதனை இரண்டு வகையாக பிரிக்கலாம். ஆசை கொண்ட மனிதன், பசியால் வாடும் மனிதன் என்று. பசி மனிதனின் மனிதத் தன்மை குறித்து கேள்வி எழுப்புகிறது? உணவு கிடைக்காத பசியால் வாடும் மனிதன் எப்படியெல்லாம் பாதிக்கப் படுகிறான் பசியின் பொருட்டு என்னென்ன குற்றங்கள் செய்கிறான் என்று தெரியும். குற்றமே தண்டனை நாவலில் ராஸ்குல்நிக்கோவ் பசியால் வாடும் மனிதன். ஆனால் அவன் குற்றவாளியோ பேராசை பிடித்தவனோ இல்லை.

மார்ட்டின் கோர்ஸ்ஸ் இயக்கிய the wolf of wall street திரைப்படம் ஆசை கொண்ட மனிதனை பற்றிய படம். இதில் ஜோர்டன் பணத்தாசை பிடித்தவன். மனிதனின் தேவைகள் வெறும் போதையும் பெண்களின் உடற்சுகமும் மட்டுமே என்று வாழும் மனிதனின் கதை. திரைப்படம் முழுக்க அன்றாடம் அவன் சந்திக்கும் பெண்களோடு எல்லாம் உடலுறவு கொள்வது போதை பொருள் உட்கொள்வது என்று திரிகிறான். ஆனால் அதெல்லாம் விட ஒரு தொழில் முனைவோர் பணம் சம்பாதிக்கும் மில்லியனர்ஸ் வாழ்க்கை எப்படிப்பட்டது என்று இந்த படம் சொல்கிறது. மக்களை ஏமாற்றி அவர்கள் செய்யும் மோசடிகளும் குற்றங்களும் நிறைந்த உலகத்தை பற்றி தெரிந்து கொள்ள முடியும்.

பணம் பேராசை பிடித்த மனிதன் அதை தவறான வழியில் மக்களை ஏமாற்றி சம்பாதித்து அதை கிடைத்து விட்டால் என்னென்ன செய்வான் எப்படி நடந்து கொள்வான் என்பதை பற்றிய கதையை மிக நுட்பமாக காட்சி படுத்தியிருப்பார். விற்பனை பிரதிநிதி ஒரு பொருளை விற்பதற்கு எப்படியெல்லாம் மோசடி செய்து மக்களை ஏமாற்றுகிறார்கள் என்று சொல்லியிருப்பார் மார்ட்டின்.
பணம் அதிகம் கிடைக்க போதை, பெண்கள் என்று அவன் வெறி பிடித்தவனாக மாறுவான் என்று புரிந்து கொள்ளலாம்.

பணம் ஏன் முக்கியம்? பணத்தின் தேவை என்ன? பணம் அதிகம் கிடைத்த மனிதர்கள் எப்படி நடந்து கொள்வார்கள்? பேராசை பிடித்த மனிதர்கள் எப்படி ஏமாற்றுவதையும் மோசடியையும் தவறில்லை பணம் சம்பாதித்தால் மட்டும் போதும் என்று எப்படி கருதுகிறார்கள் அதன் பின்னணியான கருத்தியல்கள் என்ன? என்று இந்த திரைப்படம் சொல்கிறது. 
படம் முழுக்க கேலியும் சிரிப்புமாகத் தான் போகும் ஜாலியான திரைக்கதை. ஆனால் அந்த சிரிப்பின் வழியே மனசாட்சியை தொட முயற்சி செய்கிறார் மார்ட்டின். மனித அறம், ஒழுக்கம், மனிதாபிமானம், கட்டுப்பாடு, காதல், அன்பு குடும்ப வாழ்க்கை அமைதி நிம்மதியான வாழ்க்கை பொது நியாயம் எல்லாத்திற்கும் என்னதான் அர்த்தம்? என்று இந்த படம் பார்க்கும் போது கண்டிப்பாக தோன்றும்.

உலகம் எதை தேவை, வெற்றி சாதனை மகிழ்ச்சியான வாழ்க்கை என்று தீர்மானிக்கிறது? அல்லது நாம் நம் வாழ்வின் அர்த்தத்தை குறிப்பாக மனித நடத்தையின் அர்த்தத்தை எப்படி புரிந்து வைத்திருக்கிறோம் என்று நம்மை நீண்ட சிந்தனைக்கு உட்படுத்தும்.

பணம் அளவுக்கு அதிகமாக பணம் கிடைத்துக் கொண்டே இருந்தால் நாம் என்ன செய்வோம் எப்படி நடந்து கொள்வோம். என்பதை தெளிவாக படத்தில் காட்சிபடுத்தியிருப்பார் மார்ட்டின்.

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more