அசல்புலி

-

சினிமா என்றாலே பெரிய நட்சத்திர நடிகர்களும் அவர்கள் எப்படி பெரிய நடிகர்களாக வளர்ந்தார்கள் என்றும் தான் நாம் புரிந்து வைத்திருக்கிறோம். ஆனால் துணை நடிகர்கள் மற்றும் உதிரி காதபத்திரங்கள் மற்றும் ஒரு காட்சியில் கூட்டத்தில் ஒருவராக நடிக்கும் மனிதர்களின் நிலை என்ன? ஒரு திரைப்படம் உருவாகி முடியும் வரை அவர்கள் எப்படி வேலை வாங்கப் படுகிறார்கள்? சண்டைக் காட்சி பாடல் காட்சிகளுக்கு டூப் போடுபவர்களின் வாழ்வாதாரம் என்னென்ன சிரமங்களை கொண்டுள்ளது என்று தெரிந்து கொள்ள அசோக மித்ரன் எழுதிய " புலிக் கலைஞன் " சிறுகதை வாசிக்க வேண்டும். புலி வேஷம் போடும் மனிதனின் ஒரு வாய்ப்புக்காக வேலை கிடைக்காதா? அப்படியேய் கிடைத்தாலும் ஒரு நாளைக்கு பசிக்கு உணவு கிடைத்து விடாதா? என்ற ஏக்கத்தைதான் கதையில் எழுதியிருக்கிறார். பெரிய ஹீரோ ஹீரோயின் நட்சத்திரங்கள் மட்டும் தான் சினிமா என்று நாம் பொது புத்தியில் உள்ளது அதை மாற்றி சினிமா உலகிற்குள் வாழும் நம்மைப் போன்ற சாமனிய கலை மனிதனின் அன்றாடம் வாழ்க்கை சிரமங்களை எழுதியிருக்கிறார். அசல் புலி போலவே சாகசம் செய்யும் அந்த கலைஞர் வீட்டில் பணம் சம்பாதிக்காததால் மனைவியிடம் திட்டு வாங்குவதும் அவமானப்படுத்த படுவதும் கலை சார்ந்த மனிதர்களின் கையறு நிலையை எடுத்துச் சொல்கிறது. சமூகம் அவர்களை அப்படித்தான் நடத்துமா என்றால் அதற்கு என்ன பதில் என்று சொல்ல தெரியவில்லை. எல்லோராலும் பணத்தை சம்பாதிக்க முடியாது என்பதும் உண்மை. திறமையான கலைஞர்கள் பலரும் அவர்கள் வாழக்கையில் பணம் சம்பாதிக்க முடியாத காரணத்தினாலேயே அடையாளம் தெரியாமல் அங்கீகாரம் கிடைக்காமல் போய்விடுகின்றனர். சினிமா, கலை சார்ந்த ரசனை உள்ளவர்கள் கட்டாயம் படிக்க வேண்டிய சிறுகதை.

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more