ரோஹித்தின் சூப்பர் எட்டு...!

-
Thu, 13 june 2024,

USA உடனான இந்த ஆட்டத்தில் திருப்புமுனையாக சூர்யாகுமார் யாதவ் கேட்ச் USA அணியினர் தவற விட்டது தான் வெற்றிக்கு காரணமாக அமைந்தது. ஒரு வேளை அவர் அவுட் ஆகி இருந்தால் ஆட்டத்தி பிரஷர் கூடி மேலும் விக்கெட்டுகள் விழ வாய்ப்பு உள்ளது. ஏனெனில் பிந்தைய ஆட்டத்தில் பாக்கிஸ்தான் அப்படித்தான் தோற்றது. கோஹ்லி அவுட் ஆனதும் ரோஹித்தும் ஏமாற்றமளித்தார். அதாவது ஒரே மாதிரியான ஷாட் அதிகம் அடிப்பது ஆபத்தானது. என்னை பொறுத்தவரை பந்து சுழன்று வருகிற திசைக்கு ஏற்ப நாம் அடிக்கும் ஷாட் அமைந்தால் பந்து பெரும்பாலும் கேட்ச் போகாது. அதே சமயம் ரோஹித் அந்த பந்தை தூக்கி அடிக்கும் நிர்பந்தமும் இந்திய அணிக்கு இல்லை. குறைவான இலக்குத்தான். பின்னர் ஏன் ரோஹித் அடித்து ஆடினார் என்பது புரியவில்லை. ரோஹித் பிடிவாதமாக சில நேரங்களில் அடித்து ஆட முயல்கிறார். அது பெரும்பாலும் அவர் அவுட் ஆகி வெளியே செல்லத்தான் உதவுகிறது. இந்த தொடரை பொறுத்த வரை ரோஹித் அல்லது கோலி சிறப்பாக பேட்டிங் செய்வதை வைத்தே இருக்கிறது. மேலும் அமெரிக்க மைதானம்ஏற்கனவே சொன்னது போல புதிய கிரௌண்ட். சேசிங் ( chasing) செய்வது கொஞ்சம் கடினம். இந்தியா டாஸ் ஜெயித்தது கொஞ்சம் பக்க பலமாக இருந்தது. 
வெற்றி பெற்றாலும் நான் இந்தியா அணியின் குறைபாடுகளை சொல்லியாக வேண்டும். முதலில் கோஹ்லியை விட்டு விட்டு ரிஷப் பண்டை இறக்க வேண்டும். கோஹ்லி இரண்டாவது இறங்கினால் போதும். ஆனால் இந்த யோசனை அடுத்த ஆட்டத்தில் கை கொடுக்குமா என்று யோசிக்க வேண்டும்.?

ரோஹித் power play முடியும் வரை பொறுமையாக ஆடி விட்டு அப்புறம் அடித்து ஆட முயல வேண்டும். பிற நாடுகளில் உள்ள மைதானத்தின் தன்மையோடு அமெரிக்க ஆடுதளங்களில் முதல் ஆறு முதல் எட்டு ஓவர்கள் விக்கெட் எதுவும் விழாமல் பின்னர் அடித்து விளையாட வேண்டும். சிக்ஸர்ஸ் அடிப்பதை போல் பவுண்டரி அதிகம் அடிக்க வேண்டும். முடிந்த அளவுக்கு ஒரு ரன் ஓடி அதிகம் எடுக்க வேண்டும். பந்தை வீணடிக்க கூடாது . குறிப்பாக திறமையாக சிங்கள் ஆடி விக்கெட் தக்க வைக்கும் ஒருவர் மற்றும் அடித்து ஆட கூடிய ஒருவர் இவர்கள் இணையோடு ஆடினால் நன்றாக இருக்கும்.

நிறைய வேலை டென்ஷன் என்று ஓடிக் கொண்டிருக்கும் போது கிரிக்கெட் பார்ப்பது உற்சாகமாக இருக்கிறது. 
சூப்பர் 8 சுற்றில் நுழைந்து விட்டோம். இனி வரும் ஆட்டங்களில் கோஹ்லி டூபே ரோஹித் போன்ற பேட்ஸ்மேன்கள் கவனமாக மைதானத்தின் தன்மைகெற்ப விளையாட வேண்டும். ஆட்டத்தின் இடையிடையே அமெரிக்க நகரங்களை காட்சி படுத்துகிறார்கள். பார்ப்பதற்கு மிக ரம்மியமாக இருக்கிறது. 

Comments

Post a Comment

Popular posts from this blog

செகண்ட் ஷோ நினைவுகள்

-
Image
சினிமா பற்றி எழுத்தாளர் எஸ். ரா ஆற்றி வரும் உரை தனி சிறப்பானது. Bycycle theif, Psycho, cinema paradiso போன்ற திரைப்படங்கள் பற்றி அவர் பேசிய விதம் வார்த்தைகளால் விவரிக்கமுடியாது. அதுவும் cinema paradiso மனதின் பல நினைவுகளை கிளறி விடுகிறது. என்றோ பிரிந்து போன நண்பனை பார்த்த சந்தோஷமும் துக்கமும் ஏற்படுகிறது. எனக்கு சொந்த ஊர் கழுகுமலை. அங்கே ஒரு டூரிங் டாக்கிஸ் இன்றும் அப்படியே இடிந்து போன தியேட்டராக அதே நினைவுகளை சுமந்தபடி உள்ளது. நண்பர்களோடு திரைப்படம் பார்த்த நாட்களை அப்பாவோடு செகண்ட் ஷோ பார்த்த நினைவுகளை மறக்க முடியாது. நல்ல அனுபவத்தை தந்த உங்களுக்கு மறக்க முடியாத அன்பும் நன்றிகளும்! சினிமா என்றாலே படத்தை விட தியேட்டர்தான் எல்லோருக்கும் முதலில் நினைவு வரும். அதில் நடித்த நடிகர்கள், பாடல், சண்டை க் காட்சி என்று ஒரு படத்தை பார்த்துவிட்டு ஆண்டுகணக்கில் பேசிக் கொண்டே இருப்பவர்கள் தான் அதிகம். அதைவிட நம் வாழ்வில் மறக்கமுடியாத அனுபவம் எந்த தியேட்டரில் படம் பார்த்தோம் என்பது தான்.  பழைய 90's கால தியேட்டர்கள் மிக அழகானவையாக யிருந்தன. மர பெஞ்ச், தரை டிக்கெட், மண்ணை அள்ளி கூட்டி ...
Read more

சுருளி நினைவுகள் பகுதி -1

-
Image
Sat, 13 ஜூலை ஜூன் 30 ஆம் தேதி சுருளி அருவிக்கு போயிருந்தேன். கோவில்பட்டியிலிருந்து மதுரை உசிலம்பட்டி வழியாக மூன்று மணி நேர பயணம். தேனி, கம்பம் வழியாக பசுமையான வயல்கள், கிராமங்கள் கடந்து சுருளிப்பட்டிக்கு போய் சேர்ந்தோம். சாலையின் இருபுறமும் தென்னந்தோப்புகள், திராட்சைத் தோட்டம். நல்ல செம்மண் பகுதியாக இருந்தது. 80, 90 களில் வெளி வந்த கிராமத்து திரைப்படங்களில் பார்த்து ரசித்த அதே காட்சிகள். எல்லா பயணங்களும் சாத்தியமாவதில்லை. அதே போல எந்த பயணத்தையும் நாம் மட்டுமே முடிவு செய்வதுமில்லை. தேனி மாவட்ட கிராமங்கள் பார்ப்பதற்கு அழகானவை. எங்கு பார்த்தாலும் மலை மற்றும் மிதந்து செல்லும் மேகங்கள். வெயில் காய்வதும் அடங்குவதுமாக இருந்தது. மேற்க்கு நோக்கினால் மேகம் இருண்டு மழை வரப் போவதைப் போலிருக்கும். ஆனால் மப்பும் மந்தாராமுமாக இருக்கும். நானும் நண்பர்களும் வழி தெரியாமல் அங்குள்ள கிராமத்து மனிதர்களிடம் விசாரித்து பயணித்துக் கொண்டே வந்தோம். உயர உயர தென்னந்தோப்புகள் நிறைந்த சுருளிப் பட்டி ஊரின் பாதை கரடு முரடாக இருந்தது. சுற்றிலும் வயலில் பாத்திக் கட்டி நெல் விளைச்சல் நடந்து கொண்டிருந்தது. காற்றில் நல்ல...
Read more

சுருளி நினைவுகள் பகுதி -2 : ( கடவுள் எனும் நண்பன் )

-
Image
கோடிலிங்கத்தின் பிரமாண்டமான சிலையின் மீது நின்று கொண்டிருந்தோம். மனம் அனைத்து கழிவுகளையும் துறந்து மேலெழும்பி நிற்கும் தூய நிலையது. மனிதனை அவனது அத்தனை கசப்புகளையும் வேதனைகளிலிருந்தும் எதோவொரு நம்பிக்கையே மீட்டேடுக்கிறது. இந்த கோவில் ஆசியாவிலேயே மிகப் பெரிய 72 அடி நீளமுள்ள சிவலிங்கம் உருவிலான கோவில். சுருளி அருவியில் குளித்துவிட்டு உடை மாற்றிக் கொண்டு பூஜைக்கான பொருட்களை வாங்கிவிட்டு நடந்தோம். கொஞ்சம் உயர்ந்த மேட்டில் இடதுபுறம் முழுவதும் திராட்சைத் தோட்டம் கொண்ட ஒற்றையடிப் பாதையில் நடந்தோம். சுற்றிலும் தென்னந்தோப்பும் உயர்ந்து வளர்ந்த மரங்களும் கொண்ட மலைப்பாதை ஏறிச் சென்றது. வேளாண் பயற்சி முகாம் ஒன்றும் மௌன சித்தர் கோவில் மடமும் இருந்தன. திராட்சை பழங்களை அறுவடை செய்து கொண்டிருந்தார்கள். அதில் முதல் கொத்து பழங்களை கடவுளுக்கு படையல் போடும்படியாக சின்ன டப்பாவில் போட்டு வெளியே காட்சிக்கு வைத்திருந்தனர். ஒரு பழத்தை எடுத்துத் தின்றேன். நல்ல புளிப்பும் இனிப்புமாக சுவை தலைக் கேறியது.  கோடிலிங்கம் கோவில் சுருளியருவிக் கரையில் இருந்து இரண்டு கிலோ மீட்டர் தொலைவில் இருந்தது. அந்த க...
Read more